Kaffi Hljómalind

Við höfum verið neydd til að loka samfélagsverkefninu Kaffi Hljómalind í bili. Eigendur hússins, Festar ehf, hafa ákveðið að henda okkur út þar sem Hljómalind hefur ekki efni á að borga tvöfalda núverandi leigu. Núverandi leiga var samþykkt til þriggja ára. Því var lagður tími og peningar í að gera húsið upp, Benedikt Sigurðsson eigandi Festa ákvað að standa ekki við gefin loforð með fyrrgreindum hætti. Nokkrum mánuðum áður hafði hann hent Hljómalind út úr húsnæði að Laugavegi 21.

Staðurinn lokar í dag, mánudaginn 28. september 2009, og hefst Hljómalindarfjölskyldan til við pökkun og tiltekt. Hljómalind mun fara ofaní kassa um óákveðinn tíma en með þá von að finna nýtt húsnæði, í eigu heiðarlegra manna, til þess að halda áfram um ókomna framtíð.