Kaffi Hljómalind

Það verður haldin samkoma í baksal Hljómalinda kl 16:00 á morgunn Laugardag. Eftirfarandi fréttatilkynning er frá skipuleggjendum:

"Þessi samkoma er neyðarfundur þeirra sem ætla ekki að vera aðgerðalausir á þessum afdrifaríku tímum. Eitthvað þarf að gerast og nú er kominn tími til að Íslendingar snúi bökum saman og beiti sér fyrir friðsamlegum mótmælum til að grípa í taumana áður en við verðum endanlega þrælar skulda. Skulda af peningum sem við sáum aldrei!  Íslendingar skulda víst 25 milljónir á mann, ég veit ekki með þig en slíkri fjárhæð hef ég aldrei komið nálægt á allri minni ævi! Hvernig get ég skuldað einhverjum hana?

Það er alltof auðvelt að "chilla" bara og vona að þetta reddist. Reddum þessu fyrst og chillum síðan!

Allir sem hafa áhuga á að taka þátt í umræðum um hvað sé hægt að gera til að takast á við ástandið eru meira en velkomnir á þennan fund, og takið þá með ykkur sem þið vitið að þrá breytingar líka! Ísland er nógu lítið til að hópur af hugrökku fólki með hugsjónir geti breytt stefnu allrar þjóðarinnar.

Mætið og verum bjartsýn, því það er alveg satt... þetta reddast! við þurfum bara að nenna að redda því. Þá er það ekkert mál.

Kaffi Hljómalind, laugardagur 11.október klukkan 4."

Góðan daginn

Uppfærður hefur verið matseðillinn á Hljómalind. Við höfum hafið samstarf við móðir náttúru um matargerð fyrir okkur.
Því munu Burritosin okkar og lasagnað detta út en í staðinn kemur

Tortilla, indverskar pönnukökur og lasagna frá móðir náttúru. Allt afskaplega bragðgóður matur. Maturinn þaðan inniheldur lauk og getur því ekki talist til jógafæðis, þar af leiðandi mun ekki allur maturinn á Kaffi Hljómalind vera skv. jógafæðistandördum.
Einnig er maturinn þaðan ekki 100% lífrænn en þau reyna sitt besta að hafa allt sem umhverfisvænast.

Stefnuyfirlýsing Móðir náttúru tekið af www.modirnattura.is :

"Við hjá Móður Náttúru sérhæfum okkur í gerð næringarríkra, ljúffengra og hollra grænmetisrétta. Við notum ávallt, fyrsta flokks, ferskt grænmeti við matargerðina. Engin óæskilega aukefni eru notuð við matargerðina. Við leggjum metnað í að gæði handverksins og heimalagaða bragðið haldi sér í gegnum alla framleiðsluna.."


Við höldum áfram að gera annað eins og t.d súpuna, kökurnar, engiferölið..

Nánari upplýsingar:

Góðan daginn

Nú er hin alþjóðlega brjóstagjafavika hafin. Á kaffi Hljómalind verður ljósmyndasýning í baksalnum á Kaffi Hljómalind. Hér kemur um vikuna og sýninguna af www.brjostagjafavika.org:

Alþjóðlega brjóstagjafavikan formlega sett og opnun ljósmyndasýningarinnar ,,Drekkutími"
eftir Guðrúnu Valdimarsdóttur áhugaljósmyndara á Kaffi Hljómalind.

Ljósmyndasýningin Drekkutími er sett upp í tilefni alþjóðlegu brjóstagjafavikunnar á Íslandi 6.-12.október. Sýningin er samstarfsverkefni Soffíu Bæringsdóttur, Aðalheiðar Atladóttur, Dagnýjar Óskar Ásgeirsdóttur og Guðrúnar Valdimarsdóttur en hún tók myndirnar og sá um vinnslu og uppsetningu sýningarinnar.

Á sýningunni eru alls um fjörtíu myndir af brjóstfæddum börnum. Átta myndir eru teknar í stúdíói í tilefni vikunnar en flestar myndir eru innsendar.

Alþjóðlega brjóstagjafavikan er haldin til þess að vekja athygli á brjóstagjöf, vernda hana og styðja. Auk þess að beina sjónum að mikilvægi brjóstagjafar var ákveðið að minna á fegurð brjóstagjafar. Benda á að fegurðin býr í hversdagsleikanum og nándina sem myndast milli móður og barns.

Ljósmyndasýningin ,,drekkutími" er til að minna á hve einstakur tími brjóstagjafar er. Því um leið og brjóstagjöf er einstök og persónuleg er hún á sama tíma opin og snertir alla í samfélaginu.

Með ljósmyndasýningunni er brjóstagjöf sýnd eins og hún er frá degi til dags.

Jóga að vanda í dag klukkan 18:00 í baksal kaffi Hljómalind. Ókeypis inn

Yoga today at 18:00 in the backhall of Hljómalind. Free entrance